#ParentLicenses2688

某日返屋企搭𨋢，即將閂門之際，有個師奶拖住個小學生（呀女）大叫：「等埋！」

好啦，已經等咗，佢哋順利入到𨋢後，師奶同佢個女就唱雙簧

「呀女呀，撳𨋢係做人本份嚟，唔好學有啲人咁唔等人呀，知唔知呀？」

原來部𨋢入面得我同呀叔，肯定佢指桑罵槐嘅，唔係我，就係呀叔

我心諗：「咪等咗你，發咩癲？」點知師奶係話我

我出𨋢嗰陣，個師奶同呀女講：「呢個人住呢層㗎～」

完全構成恐怖，呀叔就完全唔話，明顯欺善怕惡，見我好蝦就話我。我等你係人情，第一次聽「撳𨋢係本份」

成日遇見呢類型師奶借住同小朋友傾計就四處挑機，單單打打，下次遇著呢啲痴線師奶，我直接玩大佢算

讀者投稿@Abc小姐