#ParentLicenses2687

星期日去獅子會自然教育中心玩。行到去翠竹林，離遠見到有兩家人，包括兩對父母同埋幾個男仔喺度玩

幾個男仔大力扯啲竹落嚟，扯到彎晒，就嚟斷咁款。過程中，父母重望住佢哋喺度笑，又鼓勵佢哋試吓扯呢枝嗰枝，更無恥地話「啲竹都幾靭㗎喎！」

我認我怕事，好想話佢哋但又唔敢。好彩之後有遊人見義勇為，忍唔住行埋去話佢哋。其中一個阿媽就大聲話：「係啦，咁樣唔啱㗎，唔好玩喇！」

幾個小朋友聞言後都即刻停手，可見班小朋友其實都唔係唔聽話，只係冇人教而已

之後我聽到個阿媽咁講，就真係眼都凸。明明佢頭先有份鼓勵啲仔咁樣玩，一聽到有人指責後，就即刻扮晒嘢去教仔

去得郊外玩，就唔該要愛護吓大自然啦，都唔明點解有啲父母可以咁自私！

相片來源@郊遊人士
讀者投稿@郊遊人士