#ParentLicenses2059

話說，我同老公結婚後就一直同老爺奶奶同住。最近生咗個仔，喺屋企放緊產假，咁我奶奶同我一齊湊BB

有日我奶奶話佢有個朋友👵🏻（後嚟先知係舊屋鄰居）會喺嗰日下午上嚟睇我個仔👶🏻。基於間屋始終係佢嘅，同埋我都曾經有叫一兩個朋友上嚟探BB，我自知我冇立場講啲咩，所以我都冇出聲

咁下午兩點幾門鐘響，一開門先知👵🏻帶咗個五歲嘅孫女👧🏻上嚟

👵🏻👧🏻一入屋，手都唔洗，就衝去想抱👶🏻

大佬呀，唔好話而家疫情嚴重，就算冇疫情，洗手先抱BB是常識吧？重要問都唔問下我呢個媽媽就想衝埋去抱👶🏻

當然喺👵🏻差啲掂到👶🏻嗰刻我成功叫停咗佢，亦成功勸👵🏻同👧🏻洗手先。洗咗手之後，抱咗一陣👶🏻之後，就放返佢上張床，跟住👵🏻就同我奶奶喺個廳傾計，期間👵🏻將個口罩除低，而且隨手放喺張梳化上面

至於👧🏻，由洗完手睇咗一眼BB後，就開始係咁喺我哋屋企周圍走。我間房閂咗門，佢都照開門入人哋間房亂搞；全屋嘅房都行過之後，👧🏻就係咁喺地下碌嚟碌去（意即用身體幫我哋「拖地」），口罩又周圍放周圍抹

然而👵🏻由頭到尾都冇諗住出聲控制👧🏻

大約傾到三點半，咁👵🏻就話佢差唔多要走，話要帶埋👧🏻去出席家族聚會，但走之前要影張相俾👧🏻嘅爸爸睇，要證明👧🏻冇喺人哋屋企亂搞，可笑嘅係張相就係👵🏻👧🏻圍住👶🏻張床咁影咗張相

老實講，我唔知👧🏻平時喺屋企係點，都唔知係咪只喺👵🏻面前先係咁，不過👵🏻唔控制不特止，重要夾埋👧🏻一齊講大話呃👧🏻嘅爸爸，我真心覺得好有問題。當然我同佢哋唔熟，亦唔想插手理人哋家事

我只能講今日👧🏻嘅行為好值得借鏡，我都唔想到時👶🏻大個少少後去人哋屋企會做同樣嘅嘢

讀者投稿@無奈既新手媽媽