#ParentLicenses2060

忍無可忍要投稿！

今年團拜時，親戚嘅六歲女同我個仔講，話佢啱啱中咗新冠肺炎

之後我哋立即問：「幾時中？！」

女話：「前幾日發燒」

佢呀媽立即講：「佢昨天check過陰㗎啦，係有日發燒到四十度，但好快退燒，佢都無嘢」

未幾，佢重同個女講：「你唔好見人就同人講你發燒啦同病啦」

女答：「我講事實呀，小朋友不可以說謊的。我係病咗呀，發燒，好累呀」

在埸有老人家、小朋友，重係讀緊幼稚園到小學，你唔係咁缺德嘛？明知自己中完招重要參與團拜？啱啱轉陰就唔代表無傳染性㗎！

此外，你重要咁樣教女？個女咁誠實，你做大人心腸惡毒咪算囉，做咩咁教個小朋友呢！？我係識好多人中招，病情同中流感差不多，但當中無一個人好似佢咁無公德心，咁賤格，明知自己剛中完都去團拜！

如果我個仔今次因你而中招，我嬲佢一世！

讀者投稿@開年發大火