ParentLicenses1498

今日去咗海洋公園水上樂園，有一個爸爸一直自己排隊等咗一個鐘

未幾，喺差唔多就到爸爸玩嗰陣，有媽媽與同行朋友，再加埋佢哋嘅4-6個小朋友，全部衝上嚟插隊

若然你話中途去咗廁所再排返入嚟都ok，但事實係個媽媽帶咗啲小朋友去玩其他嘢，玩完就過嚟插隊……個問題就係，大家都想玩，好應該遵守規則排隊

在場排喺哩位爸爸前後嘅人都忍唔住出聲，但全家人連佢哋同行嘅朋友都扮聽唔到

大家都係畀錢入嚟玩，如果唔想排，其實可以買fast pass，唔想畀錢買嘅，乜遵守下規則真係咁難咩？

加上身為父母，係咪應該以身作則，做個好榜樣俾小朋友睇呢？

讀者投稿@討厭行為系列