#ParentLicensesSponsor0020

大家好，又係我SEN小朋友嘅媽媽。

我嘅小朋友係喺三歲時確診自閉症，當時真係晴天霹靂，好擔心阿仔嘅成長，周圍去試適合嘅言語治療、行為治療等，希望及早介入，可以幫到阿仔，嗰時都未諗到保險呢方面。後來有次阿仔中咗流感，高燒唔退，要入私家醫院，使咗幾萬蚊，至開始想幫阿仔買保險。

我搵咗朋友介紹嘅保險agent，想投保醫療同危疾保險。但因為阿仔有自閉症，最終保險公司拒絕咗阿仔嘅申請。我覺得好唔公平，小朋友講嘢慢啲、社交能力弱啲，唔通就等於佢會病多啲、患危疾風險高啲？作為家長，我好努力幫阿仔去追，唔明白保險公司點解唔俾機會SEN小朋友。

最近，我認識到10Life呢個保險比較平台，原來佢哋都有為自閉症同ADHD嘅小朋友發聲，非常關注SEN小朋友嘅權益。創辦人會crossover一啲關注SEN嘅組織舉辦活動同講座，等我哋呢類家長可以互相交流。我覺得好感動，因為佢哋真係好關心我哋嘅小朋友，願意為佢哋爭取權益。

佢哋集合緊曾經被拒保SEN家長嘅力量，向保險業界提出建議，希望令保險公司接納SEN小朋友嘅投保。佢哋亦希望社會對SEN有多啲認識，減少歧視同偏見，令小朋友有更好嘅發展機會。如果你都有相似被拒保嘅經歷，都可以聯絡10Life，希望集合大家嘅力量，可以推動保險業作出改變。

讀者投稿@10Life