#ParentLicenses2385

我係路人甲一名，想分享兩單非個人經歷事件

第一單喺多年前的黨鐵（當時叫火車），有一對母女上車（目測小妹妹四五歲）。妹妹話肚餓想食薯片，叫媽媽幫佢開

心諗：唔乸係化，火車上唔可以食嘢㗎喎！

點知個媽照開打包裝，但當佢開咗口少少，突然又講：「哎呀，唔記得火車唔食得嘢添！你聞住先，落車先食啦！」

隨後個媽媽遞咗包只係開咗少少嘅薯片俾個女，小妹妹好可愛咁全程好enjoy 咁聞住薯片嘅味道，完全無要求要食

第二單喺搭長途巴士時發生。有個𡃁仔（應該剛入幼稚園）一上車後，佢好開心咁喺度唱歌，正常說話聲量，唔算大聲，但奇怪佢會間中轉細聲或氣聲，跟住轉大聲再細聲，所以唔覺意令我望一望

原來每次𡃁仔大聲唱歌時，媽媽即使好陶醉，但都會放一隻手指喺咀巴前🤫。當小朋友見狀，就會減低音量，不過過一陣又唔記得，媽媽就會重覆動作。如是者，小朋友大約唱咗三四次後，媽媽就同小朋友講：「好喇，我哋唱埋最後一次就休息喇。媽媽同其他姨姨叔叔都好攰，想合埋眼睛休息一陣」跟住小朋友唱多一次就俾媽媽攬住瞓咗

呼應返吹小號事件，其實真係好小事，可能家長做法未如理想。原po可以學黎天王講句：「你係識得教小朋友唔好騷擾人㗎嘛，我對你有信心🫶😏」

可以肯定嘅係，一嚟就搶走小朋友玩具絕對係錯誤示範

讀者投稿@路人甲