#ParentLicenses2383

在下住喺村屋，屋企附近只有巴士、小巴同的士等交通工具，鄰近都冇地鐵、輕鐵、火車經過。車牌考五次都衰咗，無奈放棄

小妹每日搭巴士返工，可直達公司樓下。而我屋企位於呢條巴士線嘅中間站，所以通常上層坐滿，下層重會有少少位

我係好容易暈車浪，無論係企同坐都會暈，暈浪丸都幫唔到我，惟幸好唔會嘔，所以當巴士有位時都會坐低恰一恰

一直都正常搭車返工，有一日搭車時，見到有位媽媽拖住個女。個媽媽好大聲話：「唔好學呢個姐姐扮瞓覺，見到人哋都唔讓座」

原來個媽媽係指住我。Sorry，我嗰刻真係瞓著咗，只係聽到咁大聲令我醒咗

我話：「Miss，真係唔好意思，我暈車浪想抖下，不如你問下附近乘客可唔可以讓俾你哋？」

個媽媽繼續話：「後生女扮晒嘢，唔讓咪直接講囉！你因住第時自己受返！」

我好無奈，普通座位又好，定關愛座都好，我真係好需要坐。係唔係以後搭車都要搵張紙貼喺頭，張紙要寫住「本人身體不適，恕在下不能讓座，非常抱歉」先得？

讀者投稿@原諒我是一個車牌又考唔到搬屋又冇錢私人司機又請唔起的廢柴