#ParentLicenses2650

頭先搭屋企嗰架邨巴，有個鄰居帶住兩個好細嘅女，佢哋一上車就係咁嘈，發出近乎尖叫嘅聲浪

一時就同佢媽咪講出面有架單車，一時就話今日老師教咗佢啲乜，架車已經好細架，有需要咁大聲？我都忍咗成半程車先忍唔住開口話佢

「可唔可以細聲啲？我哋個個返完一日工都好攰」
.
佢都仍然闊佬懶理，由得兩個女繼續嘈

我再次忍唔住同佢講：「你唔教個女，就等我嚟教」

佢隨即開始發癲：「你咁叻你咪屌鳩佢哋囉」

我：「街坊街里，唔好咁肉酸，大家都忍咗你哋好耐，佢哋唔出聲，唔代表我唔出聲」
.
佢就不停咁鬧我，我咪同佢講：「生仔真係要考牌，你完全印證咗呢句嘢」

佢：「我唔需要你去教我點教女」

我：「唔緊要㗎，你而家唔教，遲早個社會會幫你教」

佢：「我唔覺得佢哋有幾嘈，只係普通傾偈，成架車得你一個覺得佢哋嘈」

呢個時候，我隔籬嗰個都出聲，話真係覺得佢哋好嘈

佢：「你咁叻，就自己坐後面。兩個細路咁細個想佢點？你自己去鬧佢哋」

我直情同佢講：「如果要一個外人嚟幫你教女，你就真係好肉酸」

我臨落車嗰陣我同全車人講：「唔好意思，我大聲咗少少，我希望有啲人learn her lesson」

讀者投稿@睇唔過眼嘅鄰居