#ParentLicenses2322

係咁嘅，話說前幾日海X公園開放俾有指定飛嘅包場客，可以任玩鬼屋，規矩講指明五歲先可以入

雖然我哋做職員沒權查看小朋友身份証，但有個擺明兩歲左右，最多三歲嘅小朋友要入鬼屋

職員同佢老母講：「小朋友太細唔可以入」

佢老母即時發難渣話：「佢五歲啦，佢生得細粒啫，你憑咩話佢無五歲，我就一定要同佢入」

最後佢哋兩母女都入咗去，出嚟嗰陣，個小朋友喊晒

個老母又大大聲聲咁鬧我哋啲同事：「啲演員係咪傻㗎，明知咁細個小朋友驚㗎啦，嚇到佢喊啦，我要投訴！」

衰啲講句，小朋友無事出返嚟，算好彩

另外有對母子更好笑，個小朋友化晒裝，拎住把膠刀入嚟

之後佢老母教佢：「你劈啦，你嚟到呢度拎住把刀可以任你劈，劈咩都得」

個細路聽完佢老母講就不停周圍劈，佢老母話：「邊個嚇你，你就拎把刀出嚟」

我心諗：係咪痴線㗎！呢度係海x公園，不是精神病院喎。咁細個咁教佢，過多幾年，分分中拎真刀劈人

香港地真係咩老母都有

讀者投稿@陳職員