#ParentLicenses2243

今日黃昏時候，我哋帶住兩個小朋友共一家四口入迪士尼。咁啱見到畫室冇人排隊，又好快下一場，於是走去排隊。之後都陸陸續續有人嚟排隊，但都唔算多人

好快就開門啦，小朋友就揀咗第一行嘅左面四個位。老公坐最入面，兩個小朋友坐中間，咁我就坐最右面正對工作人員嘅位

及後，我放咗我個袋喺櫈上，再喺自己位度企起身望一圈，睇下兩個小朋友有冇擺好自己嘅嘢、有冇坐好等等，過程都冇幾多秒就坐低返

喺我坐低嗰刻，見到一個目測八九歲金色頭髮嘅外國小朋友衝咗過嚟，雙手捉住張枱，踏步式咁跳腳

我心諗：咩事？點解成個我搶咗你位咁嘅樣？你爸媽呢？

環視四周，先見到佢香港媽媽帶住個再細啲嘅妹妹啱啱入座我後面嗰排。媽媽舉止就似係受過高等教育嘅，又中又英咁叫個小朋友去佢嗰度。但言語上，係話緊小朋友個位被搶。呢個時候我都有些驚訝

未幾，工作人員開始講規則嘅時候，有個小朋友跌咗支筆喺中間嘅枱下，我企起身行過去執

喺同一時間，我竟然聽到嗰個媽媽用英文講：「你想坐前面，而家係機會，你去坐啦」

小朋友都真係起咗身！不過我自己都好快執完嘢，一步行返自己嘅位

工作人員都開始講嘢，大家坐嘅座位都定好晒，唔係起身執嘢都唔得啊？

讀者投稿@迪士尼的經歷