#ParentLicenses2246

話說放假帶對仔女出街，我孭住一個九個月嘅女，拖住一個三歲嘅仔，我哋一齊搭港鐵

而家嘅港鐵，一上車根本唔使旨意有位坐，亦都唔會有人讓位。我仔就扶住扶手企，點知突然間有個目測七八歲嘅女仔，大大聲鬧我仔

個女仔仲問我仔：「做乜啫你！？」

我仔就（天真mode）直接答佢：「我要扶住囉！」

接下來，個女仔阿媽出聲同我仔講：「你見唔見到姐姐挨住㗎？你唔可以扶住，你咁樣會騷擾姐姐！」

我真係當堂火都嚟，我同個女人講：「其實條扶手係俾人扶，唔係俾人挨，而且我個仔亦都冇騷擾你個女！係你個女鬧我個仔、嚇親我個仔！」

最後，個阿媽帶咗佢個女行去第二條扶手，繼續挨

讀者投稿@人哋阿媽