#ParentLicenses2139

因為見到一篇令我火起的post，所以令我第一次投稿

事源我小朋友健健康康咁在某日去上小組班，該班只有我小朋友及另一個男孩

在課堂開始約十五分鐘後，我見到職員帶小男孩返出來，當時小朋友口罩只遮住口，並沒遮鼻，而且狂咳中，我已心知不妙

職員對湊男孩的工人姐姐一開口就說：「小朋友發燒三十八點幾度喎」

我相信小朋友唔會於短短十五分鐘內就出現病徵及發燒，估計佢入課室前已生病，點解於咁情況下重帶小朋友上堂！？

職員當然要求工人姐姐立刻帶走小朋友，但工人姐姐話小朋友爸爸嚟緊，要坐喺度等佢，即使去中心出面走廊等都唔願

及後，工人姐姐就隨即打俾男孩媽媽。媽媽竟吩咐工人道：「現在除小朋友口罩，打開小朋友個口，影張相俾我」

我聽到真係好嬲，即時叫停工人姐姐

縱使我小朋友已即時被消毒兩次，第二晚仍不幸開始浮現病徵，發燒燒足七日，病徵維持近三週仍未清。我小朋友一直身體健康，第一次病得咁嚴重，嚇到我晚晚瞓唔好，佢自己都瞓唔好

最後，我小朋友差不多一個月沒有返學及上興趣班，白交學費。同時在這三週內，無奈放棄三個比賽，包括個人及小組，令一齊辛苦練習數月的老師、同學，以及佢自己都很失望

藉此，懇請其他父母推己及人，有返啲良知人性。這次我小朋友幸好戰勝病毒，但如不幸呢？

讀者投稿@想小朋友快d完全病好的媽媽