![](https://i0.wp.com/backup.parentlicenses.hk/wp-content/uploads/2022/10/1964.png?resize=740%2C740&ssl=1)
#ParentLicenses1964
其實我係讚個小朋友好好,因為咁細個小朋友緊係會做錯決定,雖然我聽唔到佢答我點解會推開我個仔,佢當刻選擇咗推開我個仔的確係錯,但小朋友我唔期望佢每個決定係啱,不過佢會道歉呢個行為我覺得好值得讚👍喺事情對錯之後,都有處理得好唔好呢一點嘅
【延伸閱讀:#ParentLicenses1961 https://backup.parentlicenses.hk/?p=3242】
至於其他嘢,我都唔知點回應好,講多又似藉口……
我小朋友並不是圍住跑,佢亦冇跟大朋友一齊玩,佢只係企喺嗰度,我亦唔係冇睇住,我就企喺嗰度望住佢,不過只係估唔到無啦啦會係無衝突、無一齊玩嘅情況下突然被推倒,我真係冇咁反應快阻止到佢。不過點講都好,都係我睇唔住,任由佢無啦啦走過去企
另外,提及到「老師」嗰部分。佢意思就係問:「唔通你個仔喺學校推人,老師又可以鬧佢?」
再講到話我「撩交嗌」。我返返去嗰度係因為我朋友當時行開咗,我抱返個仔返去時個仔喊,我同佢講咩事時帶咗佢過去。點知我個仔一落地又想返去同公仔企,我即刻扯走佢加講嗰句嘢
因為當時我見小朋友們仍然喺嗰度跑緊,我唔知可以用咩字句再禮貌啲咁表達「係咪又想被撞」,然後又可以順利帶走佢而佢又唔扭計,例子就如佢玩門夾到手,我再見佢玩,我都會鬧一句:「你係咪重要玩門?係咪想夾到手呀?!」
讀者投稿@回應 #1961