#ParentLicenses1929

我媽媽嘅情況同嗰個爛滾case差不多。我心痛個小朋友嘅同時，也心痛媽媽

延伸閱讀：#ParentLicenses1929 https://backup.parentlicenses.hk/?p=3053

我細個時候，因為爸爸知我媽捨不得我哋四個小朋友，就光明正大爛滾帶女朋友去共同朋友的麻將局。我就看著媽媽晚晚坐在門口等到天光，或者等我哋瞓咗後就會飲酒到無聲崩潰大喊

然而嫲嫲卻成日話媽媽不孝順佢，不友愛叔仔姑媽，甚至搞到父母打交。屋企雖有家族生意，但所有錢都係俾我叔管，連阿妹買奶粉錢都要同阿叔攞，俾阿叔諷刺都只能忍，所有家務都是媽媽一個人做

勞累憂思交加之下，媽媽病咗，而且經常因為擔心我哋被嫲嫲佢哋虐待，精神同身體都崩潰了，逼使媽媽精神失常咗兩年。婆婆接佢返娘家照顧，婆家人冇一個人去看望佢，當年的我只得10歲

回望曾經，如果要指責，她是舊時女人，不懂得反抗，不能經濟獨立，一心只想子女有完整家庭，娘家也勸她為了子女忍忍就子女大啦。其實我們寧願她走得遠遠，甚或搵個好人家再嫁。我們怎麼都會長大的，但這種拖累媽媽的內疚，令我每每看到相同處境的女人總是忍不住代入佢

我再問返媽媽：「有冇後悔唔走？」

媽媽反問我：「如果係你，萬般無奈之下，你會唔會丟低你個仔？」

我答：「唔會」

我們相視而笑

這件事不關有冇考牌事，只是某些時候（帶頭盔：除了身體或精神虐待小朋友，公認的冇考牌情況之外）可以對母親這個身份再寬容少少，在做一個母親之前，她也只是一個「人」

撰文目的不是為了展示我媽媽有幾好、有幾大犧牲，而只是希望大家可以理解那些自己離開的媽媽，並不是每個媽媽都有您咁叻。於婚姻中的受害者，除了經濟情況，還需要考慮到是不是有足夠的精神狀態去撫育兒女

如果有正在受苦的媽媽見到，您辛苦了，請好好愛自己

讀者投稿@隨便