#ParentLicenses2690

明知份工要輪班，點解唔諗好點安排小朋友？又明知屋企係無人湊到小朋友，點解要take呢個offer？

而家工人你唔請，人情你又用唔到，就連保姆又出唔起高價錢（睇留言我估唧，唔好屌我），見人出200蚊都要調侃人，個態度就知都唔會係好相處

要求人帶價PM你，但留言啲人俾個建議出嚟時，你又要擺姿態。你呢個鐘數咁kam，即使我住你隔離都好都唔會考慮啦——要求6:15要報到，即係我5點幾起身梳洗，只係為咗幫你帶小朋友返學

幫你湊都唔係重點，重點係幼稚園小朋友就算點乖都會有起床氣，而家咁多保姆虐兒案，一陣小朋友自己整親點知你會唔會屈我㗎？再者，幫你唔係問題，但閣下態度就係問題喇

根本個問題其實唔係你屋企有冇人睇小朋友，而係你作為家長有冇做好妥善安排先去take個offer，有時關係到小朋友就唔係有錢就可以解決到

Offer就照take，安排又唔諗好，如果真係咁難請人湊，一係同老闆講要返遲/返少兩個鐘，自己湊返囉。講真，冇安排就真係唔好咁囂張，想請人幫手就客氣啲啦

相片來源@返少兩個鐘自己湊囉
讀者投稿@返少兩個鐘自己湊囉