#ParentLicenses2810

今日喺頌富輕鐵站上車，當時車入面嘅輪椅位係完全冇人用嘅

之後就見到圖中呢位推BB車嘅乘客，冇選擇泊去輪椅位，反而將一架相當大型嘅BB車塞喺車尾通道，結果搞到其他乘客要打側身，先勉強攝到過去，明顯阻礙車尾出入

然而，更離譜嘅係，當有人行過而不小心地掂到部BB車，對方就喺度口噏噏又閪口閪面

既然你唔想其他人掂到你啲嘢，其實係咪應該盡可能將架BB車安置好，而唔係反而擺喺出入通道，增加被人掂到嘅機會呢？

老實講，我平時真係唔反對家長用BB車，亦明白照顧小朋友唔容易，問題核心唔係你用唔用BB車，而係你有冇盡量減少對其他人嘅影響，同埋有冇善用當時閒置嘅預留空間

公共交通係大家一齊共用，請你方便自己之餘，都應該諗下會唔會影響到其他人

相片來源@。。。
讀者投稿@。。。