#ParentLicenses2741

其實有冇人知道一個full-time mum月薪應該係幾多㗎？

話說我返緊一份part-time嘅工，一個月都有兩萬零蚊，另外福利有醫療保險、大假、花紅，而呢份part-time都持續做咗好多年啦

我有兩個小朋友，隨住小朋友越嚟越大，就越嚟越多課外活動同補習

大嗰個而家每一日放咗學都係去社區中心日托，此之後自行去奶奶屋企食飯。另外佢一星期有大概三日嘅課外活動，當中分別係其中一日去補習中心，另一日喺奶奶度用zoom上堂，同埋有一日去麥當勞度上堂。除咗補習嗰日要阿爸爸去接放學，其餘日子都係小朋友自己返屋企

細嗰個每個星期都有兩日要去課外活動，而呢兩日嘅課外活動都係我自己接。除咗去補習嗰日（都係小朋友課外活動嗰日），我哋一家四口都會返自己屋企食晚飯，其餘星期一至五（除咗去補習嗰日）就會上奶奶度食飯，而我自己因為同奶奶唔夾就冇上去食，佢哋食完飯呢就會返屋企，而我就食自己

我諗住趁小朋友佢去上課外活動喺度等嘅時候，我自己都去報班上堂，上完堂我就可以接返佢，充實自己

最近老公覺得我應該唔好返工，佢打算淨係俾返我返緊part-time嗰份糧，就要我撥全部時間湊兩個小朋友、做家務、返學放學、接送興趣班，再叫我唔好去上堂

我哋冇請姐姐，最主要原因係間屋唔夠大，無謂俾姐姐瞓。如果要請一個鐘點由朝頭早6:00帶佢哋返學，跟住去到夜晚重要煮埋飯洗埋衫，究竟一個full-time mum其實應該值幾多錢一個月？

佢就直頭話佢自己就負責佢返工就咩都唔做，俾嗰兩萬蚊咩都俾晒老婆做

讀者投稿@ Fulltime mom