#ParentLicenses2723

事源於8月14日下午5時左右，Chiikawa days地下戶外展覽發生

當時有個細路喺度周圍走，而且係咁用手拍打啲展品。我有啲唔係咁睇得過眼，就話：「唔好係咁拍，知唔知唔可以摸？」

喺呢個時候，我就發現咗佢兩隻手都係冇戴手帶嘅，同時呢個細路就跑去同圍欄外面嘅老竇「告狀」

我條氣唔順啦，憑乜嘢冇買飛都可以入嚟？所以我就衝咗去門口搵職員，再同佢講咗個情況。職員佢哋都即刻好緊張，所有人即刻衝去搵個細路，最後我帶咗佢去搵

職員同佢講話唔可以咁樣，但個老竇完全係一啲歉意都無就咁抱返出嚟就算，完全厚顏無恥，不知所謂

隨後職員有搵保安，吩咐幫手睇實呢個位。而之後都因為參觀時間已經夠，我都要走，所以都唔知後續嘅安排係點

唔該呢啲人自律啲啦，唔好咁唔知醜啦好冇？我更希望主辦單位會多加留意，因為容許呢啲事發生，係對其他人有買飛嘅人好唔公平，而且大家都好愛惜啲公仔，故此大多都唔夠膽摸或放公仔去展品上，所以一見到佢係咁拍，我就真係好嬲！

相片來源@守護烏薩奇
讀者投稿@守護烏薩奇