#ParentLicenses2713

話說琴日喺 Yoho Mall 行街，見到前面有位大約 K1 年紀嘅小妹妹蹦蹦跳跳咁走過馬路。嗰刻我心諗：點解冇大人喺旁？再望真啲，原來喺妹妹幾個身位後，有位女士低頭猛咁撳電話，完全冇理個小朋友！

🚦 過咗綠燈，小妹妹繼續自己跳住過馬路，然後佢突然冇向前走，反而行咗幾步去咗停車場落貨位。偏偏就喺呢個時候，有架大貨車準備倒車！

⚠️ 我都未嚟得切出聲，前面有位拖住個仔嘅女士即刻大叫：「有車呀！有車呀！」個阿媽（應該係妹妹嘅媽咪）即刻衝前，一手扯住個妹妹件衫，凌空將佢「的」返去安全地方！

😢 但更加令人心痛嘅係，妹妹已經驚到喊，但佢媽咪冇安慰佢，反而大聲鬧佢唔睇路、唔聽話，甚至用粗口鬧佢兼打佢屁股！嗰下真係呆咗！

🚶‍♀️ 之後個媽咪一路行一路鬧一路打，令前面拖住個仔嘅女士都忍唔住出聲：「唔好再打個女啦！你自己唔拖住佢重撳電話！」

💢 點知個阿媽發晒癲，用粗口狂鬧嗰位女士！鬧到我上咗二樓都重聽到佢不斷用粗口鬧個小妹妹

📸 我真係忍唔住影咗張相——如果有人認得佢，真係要關注佢有冇喺屋企虐兒。街上都可以咁粗暴，屋企可能更嚴重！

🚸 最後奉勸大家：過馬路又好，出街都好，真係要拖實小朋友，因為唔係次次都咁好彩🤬🤬

相片來源@睇唔過眼既人
讀者投稿@睇唔過眼既人