#ParentLicenses2422

喺12月30日，我同媽咪去咗澳門玩。玩到大約午夜十二點半，我倆就搭金巴返嚟香港，之後上咗架A29嘅雙層

上咗巴士後，我同媽咪行到上層發現無位，於是我哋落返下層搵位。轉身後，我前面都有三四位小姐行返落去。次序係我、後面係我媽咪、我媽咪後面（即最後）係有位十幾歲嘅「小朋友」

一行人落返下層，我前面幾位小姐好快搵到位，而到我發現四人座位有個位時，我就同媽咪講：「呢度有一個位，你過嚟坐」

話口未完，隔籬座嘅女人拎住袋嘢霸位，隨即就話：「呢個位有人」

走廊另一端，有個男人（應該係爸爸）同我媽咪身後嘅「小朋友」講：「快啲嚟坐！」

由於太累我無同佢力爭下去，就將個位俾咗我媽咪身後面嗰個「小朋友」。最後我企咗十幾分鐘車程，而我媽咪就坐樓梯

我好想同嗰位媽媽爸爸講：巴士，甚至所有交通工具，每個人俾咗車費，都唔可以霸位，所有座位都係先到先得；第二，我哋唔出聲係因為太累、夜已深、唔想嘈，但唔代表你哋正確；最後，我唔認為我媽咪要讓位俾你個仔，喺呢個時間每個人都係好攰，好有需要坐。再者，我媽咪都有腳傷在身，我都想佢坐到呢個位！

讀者投稿@無奈的人