#ParentLicenses2674

今年帶咗兩個B返香港過年，一個兩個幾月，一個十五個月幾，啱啱先學識行路

由於上年新年都返過嚟，所以今次返嚟前已經有心理準備會好辛苦，但無諗過香港已經變成一個唔歡迎BB嘅地方，亦有啲明白點解咁多人選擇唔生仔，因為香港生仔真係要考牌

返嚟香港後唯一無咁辛苦嘅交通工具就係搭地鐵，然而每個站都只係得一部𨋢上大堂同路面，大部分𨋢載客量都係好少，另外例如銅鑼灣咁多個出口，只係得一部𨋢上到地面同落月台

首先講咗搭𨋢先，超級多巨嬰同健全嘅人懶行多兩步去搭扶手電梯。唔知係咪好多人唔識字，睇唔到「優先使用」同「其他乘客」分別係有兩條隊，但全部人都係排一條隊，恃老賣老同強國人唔排隊就唔使多講啦

每個人都有選擇搭𨋢嘅權利，但既然資源咁短缺，都好應該搵個職員喺度疏通下人流。只係不停叫人注意安全，呼籲持有大件嘢嘅人搭𨋢，但又唔諗下架𨋢有幾細。唔好話咩放工攰到唔想郁，其實湊小朋友重攰過返工，有得揀我都唔想等搭𨋢

再者講下列車，人唔讓就正常嘅，但其實真係唔知BB車上咗車係可以停邊一個位，即使揀啲傷殘人士位置上車都好，上到車啲人都係唔會讓個位俾你停車

列車兩邊都有人需要上落車，停定架車唔郁都可以俾人鬧阻住上落車。亦有人將架BB車轆當支撐點，將隻腳頂住個轆，真係o晒咀，遇到呢啲人當然會開聲屌啦

另外，喺香港想搵個地方換片都難，例如香港站嗰間育嬰室，污糟到喺門口都調頭走。喺商場搵個地方換片都要分幾多樓，又係搭𨋢搭到頭都大

一個人湊兩個BB出街係好困難嘅事，返香港都叫做係旅遊，無理由唔出街，好多人都建議搭的士，但上年我得一個B時，的士見我有BB車都唔想載我，今年有兩個B就唔會截到的士；巴士就更加唔使諗，點抱住兩個B再收車呢？

讀者投稿@香港點解變成咁