#ParentLicenses2824

頭先喺油麻地站搭港鐵，車廂內有個細路睇落應該都有十一二歲，有個男人企喺個細路隔離，應該係佢呀爸

列車行駛途中，個細路就當自己玩緊體操，抓實個吊環，個身向前向後揈。佢動作大到差啲撞落我度，我冇出聲，只係睥住佢

當時我帶咗個藍牙耳機，佢以為我聽唔到或佢專登講俾我聽——我聽到個男人同個仔講：「你撞到人哋喇，人哋睥住你呀，你好似殺咗人哋老豆老母咁睥住你呀！」

人呀爸唔教下個仔都算，呢個男人把口仲要咁賤，我唔知佢點樣做到言行身教。真係不知所謂，佢把口咁賤行為都唔慌好得去邊，如果唔識教就唔好生啦！

讀者投稿@陳