#ParentLicenses2526

嗰日去新都會上面歷奇公園玩，見到有兩個阿嬸湊住歲半左右BB女

其中一個阿嬸行埋去一個圓形及有個網嗰隻韆鞦，趕走咗一個年約九歲嘅男小朋友。當時佢個BB仍然喺麥記嗰邊未行到埋嚟，而另一個阿嬸就霸住嗰個韆鞦唔俾其他細路上去

我仔想上去玩，佢就即刻嗌返我仔落嚟話：「唔准玩住！」

我就問佢：「邊有人霸住公園啲嘢唔俾人玩㗎？」

佢即刻話自己冇霸住

我話：「見住你啱啱先趕走咗兩個人，重要個BB係未埋到嚟㗎喎，咁唔係叫霸住叫乜嘢？將心比己啦！」

佢不忿，隨即回應：「我個BB女細呀嘛！你哋要就下佢！唔同年齡就唔可以一齊玩！」

呢個阿嬸唔知咩道理，跟住輪到另一個抱BB埋嚟嘅阿嬸嚟抱不平：「唉！算啦算啦，我哋唔好同佢嘈喇，俾佢玩啦！」

黐孖筋！你哋咁樣教佢自私自利嘅行為，第時唔知會唔會自己享受返？

讀者投稿@怪人磁石不吐不快