![](https://i0.wp.com/backup.parentlicenses.hk/wp-content/uploads/2024/04/2511.png?resize=740%2C740&ssl=1)
#ParentLicenses2511
星期六嘅北部都會區某大新屋邨商場正舉辦復活節活動,有派免費棉花糖、爆谷,同埋有彩繪師幫小朋友畫彩繪
當時四點零鐘啱啱開始,都開始多人排隊拎棉花糖同爆谷,而另一邊彩繪就相對少人排。起初見最前面係幾個女小朋友,而後面就有啲其他家長帶住小朋友排。數過人數唔使排好多個,估計應該都唔會要等好耐
因為彩繪師隔籬係好大條柱,再跟住轉L字型咁排,所以睇唔清楚前面係咩情況。排排吓發覺唔對路,排咗差唔多一個鐘,條隊好似冇郁過,有啲家長都走上前睇點解咁耐條隊都唔郁,數吓人數重係咁多人嘅?
原來本來最前嗰幾個女小朋友畫緊嗰陣,冇啦啦又插啲男小朋友入嚟,一堆小朋友車輪轉咁樣轉嚟轉去,再聽到啲小朋友喺度嗌:「你哋畫唔畫呀,過嚟啦!」
附近就有一個穿白衫女家長睇住佢哋,然後好似又有個男人走過嚟傾吓計咁,再一段時間之後,又有個粉紅衫嘅女家長帶啲女過嚟又插入去
排佢哋後面位男家長終忍唔住同佢哋講:「其實你哋咁樣,因為後面重有好多人排緊,對後面排緊嘅人唔公平」
粉紅衫女家長就大聲回應且理直氣壯咁講:「我哋識得㗎!一齊㗎!咁你唔早啲出聲,嚟到我先嚟講!?」
男家長都係想同佢講道理啫,眼見佢都唔覺得自己有問題,男家長個老婆就話:「算啦算啦,唔好同佢拗,俾佢啦」
未幾,有個後生仔工作人員都走過嚟了解,但佢都睇唔到成個過程,所以佢都解決唔到件事
而彩繪師眼見咁樣都加快速度畫,終於嗰班人走咗之後,條隊開始識得郁
如果係一個家庭幫屋企人排都理解丫,佢試吓如果係排小巴,後面成條龍排隊上緊車,前面冇啦啦幾家人插過去話「識得㗎」「一齊㗎」,睇吓咁樣會唔會一早俾人屌鳩佢
呢啲身教真係有咩呀媽就教到咩仔女出嚟
讀者投稿@L