#ParentLicenses1455

地　點：奧海城
人　物：婆婆、媽媽、家姐、細佬（大約6, 7歲）
食花生：路人亞叔、時裝店sales（即係我同我同事）

突然傳來一陣哭鬧聲，吸引咗我注意，就行去近門口去睇下發生咩事

我見到一個細路除咗隻鞋出嚟，一嘢打落個阿媽度，跟住喺度唔知講乜，不斷鬧鬧鬧！

而個阿媽好似習慣咗咁，只係草草鬧咗幾句；身邊嘅家姐則企埋一邊，佢完全冇參與

阿婆就有出聲：「你咁樣打阿媽唔啱㗎！」

然而細佬完全冇停止嘅意思，都係繼續用隻鞋打阿媽

打咗幾下後，我同事向我問道：「你睇咩呀？」

我話：「個細路係咁用隻鞋打阿媽 ！」

阿媽方始發現有人睇住，阿媽用較重語氣補鬧咗幾句：「你再係咁，我唔理你㗎喇！」

細佬聽到之後，終於停手，喺度扭身扭勢，跟住攬住阿媽

阿媽續道：「再係咁，我唔理你啦！」

細路竟然繼續攞隻鞋掉向阿媽，跟住阿婆都廢事理佢喇，就同家姐行咗前面

阿媽隨即就話：「我唔理你啦！」

卒之，細路就攬住阿媽不停喺度喊喊喊……未幾，阿媽講咗幾句：「你咁樣唔得㗎！」就同個仔走咗！

路人甲阿叔：「如果係我個仔，我打到佢飛起呀！」

我：「我哋細個最多扭下計，點敢打阿媽，打阿媽俾雷劈㗎！」

MV截圖@MC $oHo & KidNey – 係咁先啦
讀者投稿@食花生sales