![](https://i0.wp.com/backup.parentlicenses.hk/wp-content/uploads/2024/02/2467.png?resize=740%2C740&ssl=1)
#ParentLicenses2467
有一日早上,我帶我小朋友去屋邨公園玩。因為時間好早,所以無乜人,我去到時只有一家三口喺搖搖板嗰邊玩,而我小朋友就喺另一邊嘅滑梯玩。佢哋個BB啱啱識行無耐,睇得出應該只有一歲左右
未幾,佢哋一家三口就過到嚟玩。當時佢個BB行緊上樓梯,而我小朋友剛剛瀡完滑梯就走埋去行樓梯嗰邊。我小朋友兩歲幾,行得比佢BB較快,我見佢兩位家長都貼身睇住自己個BB就無特別走埋去樓梯嗰邊,相信都會安全
呢個時候,我見我小朋友想打佢BB尖行上滑梯,我都怕我小朋友會手快推開BB,就喺我擔心之際,佢爸爸已經好快手咁抱起咗個BB
於我放心一刻嘅同時,佢媽媽無啦啦就斥責我個小朋友:「喂!乜你咁㗎!你唔識排隊㗎?你差啲推到我個BB!」
嗰刻我聽到佢呼喝我小朋友都有啲火起,但都用最高嘅EQ叫我小朋友say sorry,然而小朋友又唔係你講佢就即刻做
對方爸爸都好有禮貌咁話:「唔使啦,好小事」
不忿的我都不忘腰潤下佢老婆,隨即同我小朋友講:「人哋小朋友媽媽介意,你可以say sorry嗎?」
然後我小朋友就好似唔知發生咩事咁講咗句sorry就繼續玩,而事後佢哋一家好快就帶小朋友離開呢個公園,嗰位媽媽都煞有介事咁喺我旁邊講:「我哋以後都係去返xx公園玩!」
講真,公園都有年齡限制,太細喺度係唔合適,身位家長點解唔係自己睇實自己小朋友,反而係對個兩歲幾嘅小朋友發脾氣?
事後我諗返,其實有咩方法可以做好啲?而我當時係咪都有啲唔顧及我小朋友感受呢?如果我小朋友再大啲,我第一時間叫佢講sorry,佢會唔會咁而唔開心?
讀者投稿@公園大媽