#ParentLicenses2407

話說我成日返工搭𨋢都會遇到同一對母子，係媽媽送小朋友返學，喺𨋢口講拜拜咁

小朋友同媽媽感情真係好好，往往入咗𨋢之後都唔肯講拜拜。每一次臨關好𨋢門之際，小朋友都要撳返開度𨋢門，再同媽媽上演多幾次離別嘅戲碼

其實，唔使返工嘅話都算，但無限開𨋢門返唔到工，我真係就嚟俾人炒。於是有一次，我幫小朋友撳咗個關門掣

我同小朋友講：「姐姐要返工㗎喇」

翌日，阿媽見到我之後，遂同佢個仔講：「你唔好再撳啦，姐姐鬧人㗎喇！」

我：？？？？？？？？？？

讀者投稿@想番工嘅黎小姐