#ParentLicenses2402

我係一位單親媽媽，有一仔一女，可惜法庭判咗仔女各自跟父母生活，我同女女一齊

父母隔個禮拜有仔女嘅探視權，即係第一個禮拜爸爸可以一齊同子女過星期五下午至星期六晚，第二個禮拜就到媽媽，如此類推

上一次女女返屋企，佢同我講爸爸叫佢：「著媽咪件衫入面上面嘅嗰一件」

當時我get到係爸爸叫佢戴bra（順帶一提，我女而家六歲）。阿女再講：「爸爸話媽咪唔著」

我同佢爸爸關係好差，平時有社工協助溝通。我隨即將呢件事同社工講咗，請社工幫我問下，究竟阿爸同個女講過啲咩，個女返屋企會同我講啲咁嘅嘢？

結果社工嘅回應返嚟話：「阿爸同工人姐姐同阿女一齊外出，經過賣bra嘅舖頭。工人話要入去買bra，阿女指住舖頭問嗰啲係咩嚟。阿爸答佢呢啲係胸圍，大個嘅女孩子先要著，等佢大個啲媽媽會教佢同帶佢去買」

爸爸無講話阿囡而家要戴，但係問到媽咪「唔著」呢件事，社工就話阿爸無表示

我將呢個回覆轉述咗俾阿女知，阿女話阿爸講嘅嘢無一句係真。再者，呢個家庭要幾有愛，工人姐姐先會同阿先生講：「Sir，我可唔可以入去買bra？」

圖片來源@絕世好Bra
讀者投稿@單親媽媽