#ParentLicenses2320

屋企五姊妹，由細到大都極自卑，皆因老豆想追仔，媽咪覺得自己有責任，一直生

其實屋企嘅經濟都拮据，所以我哋由細到大都唔敢要求任何嘢，就連幼稚園都冇錢讀，自己大人一年

老豆做地盤，經常返一日放兩日，時常遊手好閒。佢永遠唔會記得我哋生日、讀幾年級，只會話我哋吵吵嚷嚷。最後佢出去玩女人，甚至想唔要我哋，同個女人走佬，就連呀媽生細妹嗰日，都冇去睇佢

為養大我哋，媽咪有時返兩份工，我自細個就覺得佢好可憐，所以驅使自己好努力讀書，會考加A level加埋有十條A。可笑是，自從會考放榜後，老豆好似先開始認我做女

因為家庭環境所限，背景出生完全同人唔同，出嚟做嘢後一直錯失好多機會，亦冇跟男朋友去外國讀PhD；自己家庭背景唔好，即使去到大企業返工，我完全唔敢提自己住公屋

直到自己生仔之後，我連媽咪都開始討厭。我唔明白，點解冇能力要不停生，點解要滿足獸父，亦令子女有個痛苦童年。往事過去，現在無論點，都會保護自己仔女，做個盡責父母

我知我寫得好亂，只求治療，為自己嘅人生可以重新開始

讀者投稿@我