#ParentLicenses2286

呢期喺秀茂坪教新班，諗住識人入去實有好班教，點知個個學生都無反應，少少嘢又喊一餐

究竟你哋班家長點教小朋友，教到佢哋一舊飯咁？問又唔答，講又無反應，鬧又會喊喎！

有次叫個學生答數學題，但佢個樣好似發夢咁。即使佢答啱咗，我都唔覺得佢係識答囉，咪話佢抄隔籬同學答案，叫佢唔好再發夢，點知佢突然喊出嚟。
痴線㗎！有咩好喊？直接認啦，唔識答咪唔識答

又有個學生因有事返唔到學，遂同佢家長溝通要帶咩。點知佢一返學又帶唔齊，原來就連家長都係差唔多一舊飯咁

其實而家發生咩事，點解而家啲學生搞成咁？可唔可以正正常常，咩都做好，唔好搞到班主任咁多嘢做呢？你哋知唔知班主任好多嘢做㗎！

有咩家長自然有咩學生，有時真係嬲嬲地咁諗：可唔可以喺父母打算生之前先評估正唔正常呢？

讀者投稿@小學雞好難