#ParentLicenses2050

今日帶咗小朋友去卑路乍灣玩，其中一個車轆攀爬架上面坐咗個家長喺度，而佢嘅小朋友就去咗附近玩其他嘢

原本無為意，因為冇小朋友玩，直到我小朋友想玩呢一個，爬咗上一個車轆就企咗喺佢下面等。因為對方冇讓開嘅意思，我唯有大大聲教小朋友：「你可以同個叔叔講聲『唔該借借』」

回想都覺得荒謬，原本設計就係俾小朋友玩嘅嘢……

點知佢講咗一句：「哦，原來你想玩呀？」

個家長只不過再移個屁股過隔籬少少，完全冇離開嘅意思。好無奈，小朋友都係唔夠位攀爬唔到過去對面，唯有落返嚟玩其他嘢

明明係俾小朋友玩嘅設施，點解個大人都可以面皮幾寸厚咁坐喺上面？明明附近好多冇人坐嘅櫈可以坐，點解個大人要阻礙其他小朋友玩？

讀者投稿@睇唔過眼嘅師奶