#ParentLicenses1993

誰的錯？

老師改錯功課，唔止係第一次嘅事，咁我都算，但今日呢個問題，竟可發生喺考試上

事源今日學校派咗試卷返嚟，我發現老師改錯咗，咁咪打去俾老師問

試卷中有3條數明明小朋友答啱，但老師卻畫上了✖️，咁就打去搵老師問下，點知得到令人疑惑的回應

我：「老師，想問有3條小朋友答啱咗，但✖️，想問係咪改錯咗？」

老師：「係咪小朋友自己改咗個答案？」

我（心存好多懷疑）：「好啦，我問下先」

我再問小朋友，小朋友好堅持自己係無擦過、改過，而我睇都無發現筆痕

其實我打去問嘅時候，老師第一句就懷疑我小朋友有無改，我小朋友好唔開心，而且堅持無自己修改。作為媽媽，我好想同老師理論，原因唔係想爭返嗰3條試題嘅分，而係想證明小朋友無改過個答案。然而，我好怕再同老師講，老師往後會針對我嘅小朋友

既要照顧小朋友情緒，但又要諗老師難處，最大問題係如果自己處理得唔好，除咗搞到小朋友又唔開心，老師又會有條刺，我應該點做好？

圖片來源@英雄本色
讀者投稿@91家長