#ParentLicenses1988

話說我約咗人哋老母喺一間有粥有麵嘅餐廳食嘢

佢當日帶埋個仔嚟，我同人哋老母對坐喺卡位，佢個仔坐喺佢側邊

坐低三秒左右，佢個仔跑咗嚟我度，當我樹咁爬！真係爬上我頭頂！坐喺我膊頭度！

我：「呀…你個仔都好活躍下喎……」
（快撚啲阻止佢啦仆街）

人哋老母：「係㗎！佢平時都係咁，好爛玩㗎！」
（一臉陶醉，完全無阻止佢嘅意思）

我：「咁我點食呀？」
（有啲嬲）

人哋老母：「唉吖，baby你乖啦～」
（完全無說服力，溫柔嘅眼神，軟弱嘅聲線）

佢個仔突然唔知望到乜，終於肯落返地，直線跑咗去前面

「喂！咩事呀你！？」我聽到前面食客大叫

原來「baby」趁人哋唔為意，好快咁食咗人哋碗麵一粒雲吞

「喂，出事喇！」我同人哋老母講

人哋老母：「哎呀！baby你有無辣親呀！傻豬，唔熱㗎咩？」
佢完全無理個食客

個食客又無話發脾氣，不過眼神有啲幽怨，我提議人哋老母叫咗碗新嘅俾嗰位食客

平息風波之後，我哋返埋位

人哋老母：「其實baby都係因為太肚餓先食咗佢一粒雲吞啫！點解要我賠成碗俾佢啫！好蝕囉我覺得！」

我：「……，我食飽喇，有啲事，走先」

讀者投稿@人地以前個fd