#ParentLicenses1905

我大嫂半年前生咗個BB仔，真係好得意，全家都錫到佢燶，但係咪得意到要兩家人圍住佢嚟轉呢？

話說阿哥上星期中咗COVID，阿嫂要佢一個人喺屋企隔離，就一早帶咗B仔過嚟俾我湊。我一個人住，有時都有幫手湊，就即刻set好場俾佢過嚟。點知後尾佢驚我照顧唔嚟，竟然叫晒我爸媽嚟湊。呢下我有啲唔想，話晒佢哋隨時俾我阿哥惹咗肺炎，我唔想惹埋俾兩老

不過大嫂唔聽，係都要我爸媽幫手湊，重叫佢哋請假全職咁湊（但佢自己就請唔到假行唔開）

到尋日佢同B仔，重有我同爸媽都確診咗，大嫂即刻好驚咁帶走B仔返佢外家

我提議大嫂：「不如返去搵阿哥，反正好得七七八八，唔好再惹埋你父母兩個老人家啦」

點知大嫂竟然話：「我阿媽中過肺炎，康復者有抗體，唔驚」

我唔知係佢新手媽媽太緊張個仔，定係個人太自私呢？為咗一個BB，搞著兩個家庭，重有我哋咁多個接觸過嘅人呢？

讀者投稿@小妹