#ParentLicenses1902

講少少背景先，我係一個全職媽媽，小朋友中途插班於九龍區某間少數人認識嘅私幼，但不是名校

平時都係親自接送小朋友，放學我哋就會返屋企，所以我平時打扮都係causal為主，多數都係tee、牛仔長褲、tote咁啦。另外，我身上顯眼位置有紋身，不過唔係有背景人士嗰啲龍虎鳳啦，只不過係偏韓風，小清新或者可愛風格嘅紋身。我無食煙，外觀偏斯文

雖然係中途插班，但我小朋友唔怕生保，好快就融入新環境，返學放學見到同學仔都會打招呼。然而，啲同學仔嘅媽媽，見到我小朋友過去同佢小朋友講嘢，無反應都唔緊要，有好幾個家長係拖走佢個小朋友，我真係黑人問號？

大家同級同學仔，就算唔同班，有需要拖走個小朋友嗎？定係我嘅問題？我有紋身係壞人嗎？好怕因為自己搞到小朋友去到新學校無朋友

嗰啲媽媽普遍周身名牌，其實我都有，不過我覺得湊小朋友嘅話，點都唔夠一個大tote bag方便又舒服。唔知會唔會係我平實得滯，所以被嫌棄？

讀者投稿@港媽