#ParentLicenses1831

喺一個媽媽群組入面，有個媽媽陀住BB已經問勁多問題，其他媽媽都好好耐心逐一解答佢，但之後開始就發現佢有問題

一

我哋呢個媽媽群組會有互相free BB物品，佢排完之後，試過上個媽媽屋企拎，然後問屋主借廁所

一入咗屋就大件事，借咗兩個鐘都唔走，重坐喺梳化

二

佢會周圍搵人幫手湊BB

真係唔緊要㗎，但要有交帶囉，既然講咗幾點接，就幾點接啦，人哋都會有安排其他嘢做

三

喺個媽媽群組度，指隊友話9-12月出世嘅BB係蠢蛋

佢想佢BB做超大B，再話隊友喺2月出世，相比之下真係叻好多

四

半夜餵奶，BB屙屎都唔幫佢換片，原因話餵完奶，體力不支瞓咗

大佬，屎片呀！明知係屎片都唔換呀！BB個pat就咁爛咗，重問媽媽群組搽咩嘢會好

其他媽媽仍然好好咁解答佢，同提醒佢叫醒隊友一齊分擔！

之後都有人再溫馨提示佢嗰陣，佢突然發難話大家鞭佢屍，怪自己體力唔夠冇人體諒佢，最後就嬲嬲豬，再退出咗群組

其實新手媽媽唔識真係唔緊要，人哋幫咗你咁多唔係老奉。同埋，有邊個呀媽唔攰？大家都係繼續互相撐落去㗎！

不過，都唔好過份到屎片唔換，重要上水問人搽咩啦！攰真係唔係大晒㗎！

讀者投稿@Ball