#ParentLicenses2203

當你以為人奶狂熱分子只限女人嘅時候，其實男人都有

自上年放完產假，返到公司都有好多同事關心我，但就有位男同事啲言論真係令我想兜巴車鳩佢

有啲女同事問我：「你餵人奶定奶粉？」

我：「餵咗個半月就頂唔順要轉返用奶粉喇」

我一生完後成個人都好虛，又發燒，泵奶又唔夠奶，又做唔到兩個鐘埋身一次，總之成個人攰到熄咗機，甚至係會聽唔到BB喊。雖然日頭有陪月幫手，不過即使日頭瞓咗覺，到夜晚都依然係攰到死咁滯，要搞到我老公請成個月事假幫手

然後有個男同事聽到就話：「攰你都要餵㗎，人奶對BB有益呀。你都可以照半夜起身俾佢啜㗎，咁其實你可以一路俾佢啜一路瞓覺㗎，你坐喺張床可以唔郁㗎，叫你老公換片再抱個仔俾你囉，你使鬼郁咩？」

最令人惱火係佢再話：「我老婆呀，餵到個仔返學呀，學嘢啦！」

我火遮眼：「你老婆做到唔代表其他人做到，就算佢做到唔代表佢覺得輕鬆，佢只係冇同你呻。鬼唔知餵人奶好呀？我咪講咗我又病又虛又發燒，完全起唔到身囉。我順產要剪陰，坐又坐唔到，瞓又瞓唔到，重叫我全晚坐喺度佢有佢啜我有我瞓？你估湊仔好易呀？」

再屌柒佢：「你作為男人你明啲咩？眼見到表面嘅嘢就以為係事實，睇你個閪款肯定係由撚得老婆湊，自己就乜撚都唔理，總之老婆搞得掂就可以咩都唔使理，自己去風流快活，我有冇講中呀？」

激到個男同事無聲出行開咗去

奶粉BB都可以好健康，我同老公中咗兩次COVID，個仔依然冇事，而家一歲多啲，至今都冇睇過醫生。其實不論飲人奶定奶粉都係會病㗎啦，餵唔到就係餵唔到，你傳教逼人都冇用

讀者投稿@聽講唔餵人奶冇資格做人老母