#ParentLicenses1749

想分享下我入咗零售行業之後遇過最瘋狂嘅經歷——呢個經歷太「刻骨銘心」

呢件事喺舊年發生嘅，爛時我喺某某便利店返工，而間舖嘅附近有唔少學校，幾乎喺每日咁上下時間，就會有學生過嚟

記得嗰日天氣都幾熱，有個男學生著住好大件嘅黑色風褸，長度啱啱遮到臀部，佢一入嚟就去咗貨架最後面嘅位置

咁啱嗰段時間比較少人，又得我一個人睇舖，隔咗一陣佢都無拎嘢過嚟俾錢，我咪行過去望下佢喺度做乜嘢

因為我呢間舖型係四方形，中間有兩組貨架平行擺放，而左右前後都有通道可以行，而收銀處係對住組貨架，所以係睇唔到啲客企喺後邊做緊乜嘢

我喺左邊通道一路行過去都未見到佢，原來佢即刻往右邊閃過去前面個貨架，行動好似係避緊我咁

我見佢咁刻意避我，我就好自然更加想知點解佢要咁樣避我喇，我咪行快兩步上前，點知都未見到佢個樣，就俾佢走咗

後來我睇返CCTV ，觀察到佢一入嚟行去最後面貨場，就立即背對住CCTV，然後個人企喺度抽下抽下，以為佢係發病抽搐之類

直到佢第二次嚟，呢次經歷真係令我畢生難忘

過咗幾日，佢又嚟咗，又係嗰套校服加嗰件風褸。今次我望得佢好清楚，戴眼鏡、平頭裝，個樣望落唔係好精靈，身材睇落都係14, 5歲左右

佢可能唔知我認得佢，同上次一樣，佢又係行入嚟去到貨架最後面。今次佢無咁好彩，因為我上緊貨，將啲貨擺晒喺最尾通道右邊而阻塞咗

我見佢又係嚟咗一陣就無聲氣，我又係喺左邊通道行過去。說時遲，那時快，佢可能聽到有聲，咁啱我見到佢嗰時，佢咁啱同時轉身，結果竟然俾我望到佢公然露J扯起晒！！！🤦🏼‍♀️

我嗰下係嚇到呆咗，出唔到聲，佢就咁拉返外套落嚟遮住，然後喺我身邊跑咗出去！係用外套遮住逃跑，而唔係收返埋條J 喺條褲入面先逃跑！

我好緊張又好驚，成個人都震埋，經過好一陣，我先平復返心情。嗰種感覺真係一言難盡，我係完全無諗過會喺舖頭遇到呢啲事

我一諗起佢咁公然露J通街走，淨係用外套就咁冚住，佢究竟知唔知乜嘢叫羞恥？佢肯定係經常性咁樣做，唔係點會咁自然，好似無事人咁行入嚟！

上次喺CCTV見到佢成個人抽下抽下，回想返佢應該就係企喺度打飛機🤦🏼‍♀️。可能一直都無人發現佢咁嘅行為，咁啱呢次俾我發現咗，定係佢根本就係喺度尋找刺激？會唔會真係咁癲？

究竟呢個學生嘅父母有冇重視過性教育呢個問題呢？唔知有一日當佢父母發現咗佢呢啲行為之後會點樣去幫佢呢？作為一個成長中嘅青少年，佢真係好需要幫助。我懷疑喺佢嘅成長過程中，根本冇人教識佢乜嘢叫「知醜」？乜嘢叫「重要部位唔可以隨便露出嚟俾人睇」？

如果一直無人糾正佢嘅行為，第時成年後會唔會更加猖狂變咗做變態露體狂？依家諗返起嗰個畫面，個人都仲係打晒冷震😖

之後我有同另一個同事講返呢件事，同事就話叫我報警。我心諗人都走咗，又捉唔到，報警都無用喇，不過佢都無再出現過

其實我係好深信，所有嘅犯罪有九成都係喺成長過程中受到不良嘅環境影響導致

我知呢個平台有好多讀者，想藉此提醒下所有父母，性教育真係唔可以輕視，唔好諗住啲小朋友大大吓就自己會明，真係要好清晰話俾佢哋知，最基本都要教識佢哋自己私密部位要保護好，到步入青少年時段又要再重點教育，男女真係授受不親

尤其是男仔唔同女仔，我記得以前讀書，老師係有講過男仔於發育期間，係會有自然嘅生理反應，至於點樣處理面對，爸爸就應該發揮下自己嘅作用，以親身經驗去正確指導男仔點樣面對，防止未成年人偷食禁果，減少悲劇發生

我真係唔希望我呢啲經歷會喺第二個人身上發生，更加唔想會有年少妹妹俾呢啲畫面嚇親

講真，如果唔係俾我親眼見到，你又點會諗到佢寬大鬆身嘅外套下，光禿禿、白雪雪，又無遮無掩呢？仲要係「舉頭」眺望，正一毛都未生齊嘅𡃁仔！

圖片來源@唐伯虎點秋香
讀者投稿@零食姐姐