#ParentLicenses1718

疫情稍緩，樂園開返，皆大歡喜，又到排隊玩遊戲嘅時刻，考牌嘅時候

話說，排隊玩小熊船仔嘅時候，總有人左穿右插向前行，可能有朋友或屋企人幫佢哋排緊隊啦。有個男人抱住個四歲左右嘅小朋友，喺人羣中、人龍排隊間左穿右插，左攝右攝，而佢手抱男孩隻腳，正飛向我三歲女兒塊面度，鞋與女兒口罩相距還有0.5cm（目測）

情急下，我即刻拉開個女，免得俾佢個仔用鞋星巴我個女

我（拉開個女）：「小心你個仔隻鞋！」
（Yo！神之手，救得切）

男（目測唔夠160cm高而又高聲地說）：「我有睇呀！而家有星到你個女咩？！」

我：「我拉開咗咋」

男（瞪大對眼，手指指我塊面）：「我有睇呀！你而家咩態度呀？」
（當時冇鏡，個男人唔知道自己咩態度，仲反問返我添）

我（反眼）：「你過主啦！」

男（一路向前行，繼續左穿右插）：「收聲啦你！」

個男人一定以為排緊隊嘅人知道佢從後面抱住個仔左穿右插咁行緊上前，怪我冇鋪好紅地毯，企埋一邊等佢行上前插隊啦！

圖片來源@神之手
讀者投稿@神之手