#ParentLicenses1681

爸爸被發現出軌後，佢連養我都唔願意，就直接離家出走了。時至今日，雖然已經冇聯絡十幾年，但父母仍冇離婚

其實在我最需要爸爸的時候消失咗，之後佢都冇必要出現。前幾年突然聯絡我媽，我媽就無端端力勸我同爸爸和解，我大概想，應該係佢人老病痛多，想要有老婆仔女服侍佢

佢有自己公屋，唔使同我哋住，係偶爾來我家擺下老太爺款。我媽媽決定要照顧佢自己老公，我理唔到；即使內心極度反對，但我始終有兒女之後，唔想俾仔女見到媽媽係個不近人情、六親斷絕嘅人，唯有接受咗。畢竟華人社會鍾意講「浪子回頭金不換」「天下無不是的父母」「人老了其言也善」，對一些老人額外寬容，然而對我處境嚟講係「諷刺」

之後每年過年都有俾利是佢，唔係多，幾千蚊而已，但佢從來未俾過我仔女。其實都係意頭嘢，十蚊都好呀，但並沒有（我知佢經濟幾好，屬於富戶）

剛開始我並不在意，但舊年仔女大個少少了，佢問我：「點解公公冇俾利是我？」

再問：「鄰居小朋友嘅公公來探外孫都有順便俾埋我？同埋點解公公好似唔係鍾意我哋？」

雖然我爸爸成日同親戚話好鍾意我仔仔，話同佢一個餅印樣，又話想湊孫，我覺得係裝模作樣

對小朋友好唔好，小朋友感覺最清楚。我就有些氣不過，一年冇主動聯絡佢，佢都冇聯絡過我

今年過完年，我有些迷茫，有陣時諗：「我這樣究竟對不對？我是不是給孩子們做了壞榜樣？」

讀者投稿@ninimo