#ParentLicenses1680

見到個有關人奶post，令我想分享下有關一個「呃人奶」嘅事件

我同同事S小姐差唔多時間有BB，我哋都係第一胎，公司師姐就介紹咗我哋入一個入面有好多媽媽嘅group，等我哋可以問下關於湊BB嘅心得等等

Group入面好多媽媽都係同行/同事，所以都特別傾得埋，亦好照顧我哋兩個新媽媽。好多時都會有媽媽平讓/送出BB/媽媽用品，因為我呀嫂都俾咗好多用品我，所以我大部分都無要到，而S小姐就要咗好多

到S小姐BB出世後，佢話佢好想餵人奶但唔夠貨，於是好多媽媽都比咗好多意見，甚至有1-2個超夠貨嘅媽媽表示可以俾人奶佢，S小姐就照單全收

有一次我同S小姐見面，我見佢飲咖啡，我就好奇問佢：「點解餵緊人奶你仲飲？」

點知S小姐話：「我無餵好耐，仲收埋奶」

我：「😵😵😵😵😵😵😵😵😵😵」

跟住佢就同我講，佢由生之後餵咗1個月左右就食收奶丸，原來佢一直只係靠嗰幾個group入面嘅媽媽嘅人奶同間中補奶粉

佢仲露出好醒嘅樣話：「有人奶，自己又唔使辛苦，其他媽媽又唔會浪費咗呢奶，三贏」

OMGGGG，我嗰次見面之後都無再見過S小姐

我想問下大家，呢個情況常見嗎？我自己覺得唔係咁好，雖然我post得上嚟都好大機會被group內嘅送奶媽媽睇到，但我都應唔應該同送奶嗰幾個媽媽講呀？

圖片來源@食神
讀者投稿@新手媽咪