#ParentLicenses1377

尋晚打開電視，啱啱播緊大台《欺詐集團》拍AV的劇情。老實我身為男性，自然好想睇佢點玩

突然，我兩歲幾大嘅女女玩玩下走過嚟一齊望住部電視，冇耐，就問我：「佢哋做咩啊？」

當時我呆咗，唔識答

咁啱節目做到女主角跌落地吐血，啲人走晒，阿女就話：「佢哋搵救護車啊？」

之後節目繼續做，阿女一路就話：「救護車呢？」

身為新手爸爸嘅我第一次見識小朋友對電視劇嘅反應

早前細台11點個《自肥》節目被人剷到上天花板，但相比起《自肥》，我覺得大台啲劇更「危險」

之前已聽聞成日都有強姦，而家就連拍AV都玩埋，而且播劇時間早，要講教壞細路更為容易

我上了一課，下次開電視時，事前要睇清楚先

文章來源：讀者投稿@立