#ParentLicenses2733

同樣作為爸爸，想分享我仔仔當時三歳半被人打到流鼻血的經歷，以及雙方家長處理過程以作參考

事源喺中國二線城市嘅一間主題餐廳內置嘅playhouse入面一個容許小朋友入去玩嘅區域內發生，事件經過無任何大人睇到。另外，個區域太矮，大人喺出面食嘢，就放小朋友自己入面玩

未幾，我個仔突然大喊，而且流住鼻血行出嚟。我用紙巾抺完佢血跡後，隨即關心佢係咪唔小心撞親，點知佢話係被人打。心諗：What the fuck！寶貝仔仔人生第一次流鼻血，重要係被人打？！

問咗仔仔係邊個打佢後，我直接用普通話同嗰個目測約七八歲嘅小朋友溝通

「你父母係邊個？」佢唔答
「點解要打我個仔？」佢支吾以對，我估意思係仔仔行嚟行去阻住佢睇電視
「你唔應該打人喎，我個仔好痛流晒血咁，你要同我個仔道歉」佢應該都驚驚地，所以肯向我個仔道歉

我影咗小朋友相，當仔仔痛完繼續入去玩返之後，我就用相片逐個問返餐廳家長呢個係咪佢個仔。當搵到之後，目測對方家長並非知識份子，可能係普通打工仔，家長兩個本身都係玩緊電話

作為爸爸，保護自己仔仔的其中一個責任係解釋返俾佢哋聽佢哋個仔打到我個仔流血。搵佢哋的原因唔係要咩賠償，只係我唔講的話，佢哋就唔知有呢件事發生過，希望佢哋都可以自己問返小朋友發生咩事，不過小朋友已經道咗歉。講完已經覺得人哋父母點做係佢哋的家事，我控制唔到，就行開自己繼續玩

老實講，間中都有聽到人話內地人會因少少意見不合就大打出手，而今次我都係第一次去呢個地方，無期待過對方家長考過牌

然而，我估唔到對方家長認真處理，都有聽到下佢哋鬧返個小朋友（小朋友當然都喊咗幾下），過多陣更拉埋個小朋友過嚟道歉多一次。老實講，我又唔係本地人，而且本身都無期待生活喺內地的家長

致CFA爸爸：父母處理手法既要嬲，又唔想直接面對問題（如跟小朋友及其家長溝通），但又想出道氣鬧返人發洩「聽起嚟呢個爸爸完全唔會係講道理嘅人，如果同呢啲人講道理其實嘥氣」Does it really matter? 如果真係嘥氣，可以唔玩直接走，唔好鬧返人發洩就當解決咗。我的情況係一樣無任何期望對方有正面回應，但都主動認真跟對方溝通

致Andy爸爸：內地二線城市普通家長都識得拉返做錯的小朋友跟對方道歉，而你作為香港中產父母，可唔可以一樣教返自己個女做錯要道歉呢，唔該

讀者投稿@To CFA爸爸and Andy爸爸