#ParentLicenses2654

有時喺返學時間，啲小學生見到自己啲同學，就會好開心走埋去一齊排隊，變相唔小心插隊，我都叫重有得嘈下，有次遇到個家長去叫自己個小朋友去插隊，咁係咩玩法？

當時我係要搭往馬鞍山方向嘅車去返工嘅，而我返工嘅時間咁啱係撞正返學時間。排隊期間，我被馬鞍山近山嗰間基督教小學生嘅家長叫佢哋嘅仔女插隊，後來我打咗去嗰間學校度投訴後，情況先至有所好轉

好景不常，有次不快事件係由道教小學嘅家長引起。該家長故意撞開啲唔係返學人士，放話要俾佢哋個女上車先；如果入唔到的話，佢重會惡人先告狀，指責被人插隊嗰個人撞佢同佢個女

其實我有開口鬧佢哋，但係現場幾個排隊等緊車嘅都係家長，佢哋一係唔理，一係就好大聲群起反擊：「我個女要返學呀，你呢啲去玩嘅等其他車啦！」

OK，原來喺嗰啲咁嘅家長眼中，「返工」等於「去玩」嘅

再過份啲嘅係會特登等人上緊車時，個家長就一隻手伸入去擋住人，再俾個女上車。我再度出聲，又係換嚟一句「我個女要返學呀，梗係俾佢上先啦！」

好，返學大撚晒，所以可以唔俾啲排緊隊嘅人上車先，同埋可以合理化插隊呢個行為

讀者投稿@趁比人插喉前插隊插返夠本