#ParentLicenses2627

最近同阿媽一齊飲茶嘅時候，傾到佢有個朋友嘅姪仔試過倒啲AA膠落啲貓糧度俾隻貓食，當然最後俾大人阻止咗，但成件事聽到嘅時候覺得好恐怖，到底點解小朋友會有呢種諗法，而且要將之付諸實行？

雖然只係小學生嘅年紀，但應該知道AA膠係不可食用，連自己都唔會食，點解會有諗法倒俾隻貓食睇佢有咩反應？記得之前睇過分享，講到有小朋友喺貓咪cafe度扯啲貓貓嘅尾巴，理解唔到點解佢哋會有呢種行為？自問細個嘅時候唔會有想傷害小動物嘅諗法，自己唔鍾意嘅嘢唔會想對對方做，本能會覺得咁樣做令對方會痛、會唔舒服

到底係唔係真係有天生壞種，所以共情能力低，無辨法教化？

讀者投稿@T