#ParentLicenses2583

生仔要考牌，其實邊到可以考呢？

我有兩個小朋友，分別係十歲和五歲。我有以下的問題，想問下邊度可以讓我去請教，後學習，然後考試成功呢？等我可以教好佢哋

鬧又鬧過，講又講過，打……？其實都打過下。就算我睇咗唔少育兒書，但都好似冇咩作用，真係好大壓力

哥哥越大越冇禮貌，個人成日放負，講嘢負面，又唔識感恩。此外，哥哥做事冇耐心，無論學鋼琴、游泳、羽毛球、足球等等，佢全部都冇心機學或學唔識，半途而癈

另外，哥哥學業成績欠佳，要參加私人功課班才可完成功課，默書成日唔合格，測驗考試亦常常唔合格。面對著下年呈分，佢好似完全冇感覺

更甚係哥哥成日欺負細路，兩個日日都嘈

至於弟弟，要面對嘅就係佢嘅成長進度問題。幼稚園已經讀happy school，但都成日被學校話跟唔到進度，更建議佢留班。為咗弟弟嘅言語發展，我都成日帶佢去做訓練，進步卻很小

我係唔係要放棄，唔理佢哋學業？唔理佢哋課外活動？等佢哋自由發展？育兒書成日教「佢哋要為自己的決定負責」，我有去跟隨，嘗試去教，但佢哋都係唔聽，有咩辦法呢？

其實係唔係有小朋友天生就係咁㗎？

讀者投稿@CC