#ParentLicenses2578

事緣我小朋友都就嚟六歲，去公園或者playhouse玩時，我都唔會點去干涉，一般都係遠遠望下又玩下電話，間中行近啲提點下，又或者如果見佢太興奮就拉出嚟坐低冷靜啲再玩

有一次去咗個地方，在場小朋友嘅年紀普遍都偏小啲啲，我小朋友都鍾意做大哥哥照顧下其他人。當時有個小朋友嘅呀媽全程貼身跟住望實，一定見到事發經過

我小朋友覆述話佢問個細小朋友一齊玩好唔好，細小朋友大叫話：「你好曳呀！」跟住推咗佢一下，佢又推返個細小朋友一下。而兩個小朋友都冇被對方推跌或都整到

嗰位小朋友呀媽隨即就話我小朋友「做咩咁對細嘅小朋友」，講到細小朋友毫冇問題咁。同一時間，細小朋友已經飛走咗去繼續玩，而我小朋友就覺得好委屈喊咗輪

我小朋友出手一定有唔啱，佢自己都知唔啱，不過佢覺得點解細小朋友個呀媽知道咩事都只係指責佢一個，所以好唔開心。同埋我小朋友講大話唔會係呢個反應，所以我都相信佢

請教大家遇上呢啲情況可以點處理？

讀者投稿@人地老母