#ParentLicenses2410

阿女（K3）代表幼稚園參加一個由某小學舉辦嘅數學比賽，幼稚園出晒通告話要「穿着整齊校服」，遲到會被「取消資格！」

去到比賽當日嘅集合時間，其他幼稚園都齊人可以入小學先，反觀我哋重企喺露天操場吹風

點解？因為唔齊人呀！

遲到家長一號：「無車呀！等咗好耐先有車！」
遲到家長二號：「我哋行上嚟㗎！」
遲到家長三號則原因不明，因為小學方面已經唔容許再等，要我哋入去

比賽完咗後，同學仔圍埋一齊影相。我喺入面發現一個無穿着校服、朝早唔見人嘅同學仔——原來就係你

而且啲遲到阿媽們完全無表露過任何抱歉嘅表情，其實你哋究竟知唔知守時嘅重要性呢？

讀者投稿@路人甲