#ParentLicenses2336

前幾日帶阿女去遊樂場玩，突然有個細路從後襲擊用千年殺隊我屎眼

我問佢：「小朋友你點解要咁做？你知唔知人哋會痛？」

個小朋友串串貢咁答：「我想同你玩咋嘛，唔得咩？」

我答佢：「你想同我哋玩可以問，而唔係咁樣插人，你爸爸媽咪喺邊？」

佢隨即指向坐埋一邊擨緊電話嘅老母，然後跑去第二度玩

我行去同佢老母講：「Miss，啱啱你個仔用手指插我屁股，重話咁做係想同我哋玩。麻煩你教好佢，麻煩你玩少陣電話，睇實自己小朋友」

點會估到個老母會答我：「我撳唔撳電話關你咩事？佢想同你玩啫，好心你唔好咁小器啦，男仔係鐘意咁樣玩㗎啦！」

我答佢：「Miss，你唔會告我性騷擾㗎呵？咁我可唔可以咁樣同你玩？」

最後個老母一路拖走個仆街仔一路話：「妖！都痴痴地，男人老狗小器過乜！」

講明先，對方操純正廣東話，衣著唔係北方風格，你哋自己諗係本地定大陸啦吓

讀者投稿@千年殺